មូលនិធិ ៥ពាន់ កាបូបនៃស្នាមញញឹម

អំពីមូលនិធិ

បណ្ឌិត្យសភាបច្ចេកវិទ្យាឌីជីថលកម្ពុជា (CADT), Makerspace និងសមាគមនិស្សិតមានសេចក្ដីរំភើបដែលបានចូលរួមរៀបចំ មូលនិធិ៥ពាន់កាបូបនៃស្នាមញញឹម ដែលយើងមានគោលបំណងរួម ក្នុងការបរិច្ចាគដើម្បីផ្តល់ស្នាមញញឹមដល់ កុមារា កុមារីតូចៗ ជាកាបូបផ្ទុកដោយសម្ភារសិក្សា អាហារ សំលៀកបំពាក់ជាដើមដែលកំពុងត្រូវការជំនួយ។ ហើយអ្វីដែលកាន់តែរំភើបជាងនេះគឺ សិស្សច្បង សិស្សប្អូន និងមិត្តភក្តិរួមជំនាន់ទាំងអស់ ក៏អាចក្លាយជាផ្នែកមួយនៃការចូលរួមរៀបចំ មូលនិធិនេះផងដែរ។ ការចូលរួមរបស់និស្សិតទាំងអស់ មិនថាការចូលរួមជាកម្លាំង ការបរិច្ចាគជាថវិការ អាហារ ឬជាសម្ភារៈប្រើប្រាស់នានាក្ដី ពិតជាបានបង្ហាញនូវការរួបរួមគ្នា សាមគ្គីគ្នា និងបង្ហាញនូវស្មារតីស្នេហាជាតិដោយយកចិត្តទុកដាក់នៅក្នុងគ្រាដ៏លំបាកនេះ។